影片
更多
2016-01-03
3975 浏览
谂住2016年新开始,同女朋友食餐好嘅,又唔想去到尖沙咀,铜锣湾咁远,就搜寻下沙田区有咩唔错嘅餐厅啦,睇见openrice啲食评话呢间餐厅气氛有情调, 服务员细心, 食物质素高。因为做哂工课,睇咗食评先嚟,谂住无死啦,呢间一定系水准之作。一入到去,见到环境好似唔错㖞。就坐低点餐啦,我地叫个waitress介绍下有咩蚝好食。最后order咗个蚝拼盘 $398 (包12 只 $36 以下嘅蚝,2个餐汤 ) 但我地补咗百零蚊差价食埋其他款嘅蚝, scampi, 牛蒡蟹肉薯饼,卡邦尼意粉。首先讲咗食物质素1. 蚝,不过不失,正常即开生蚝味道,新鲜嘅.... 不过,我食到成口壳... 唔小心啲食,爆咀都似。2. scampi, 都算新鲜嘅, 但系细只。3. 薯饼, 我肯定佢有落蟹, 因为食到有蟹壳,唔知呢D系咪叫原汁原味呢。4 卡邦尼,我本身对佢期望最高,因为见有其他食家大赞.... 但系一食落去,灰咗, 个卡邦尼超级干身,食落口感就如某大薄饼餐厅的香蒜肉丝意粉, 同埋好咸, 我食咗2啖,真系食唔落, 但为免浪费, 我打包返屋企加工再煮。5. 餐汤系磨菇汤,同金宝汤无分别。讲完食物就讲环境同服
因为做哂工课,睇咗食评先嚟,谂住无死啦,呢间一定系水准之作。
一入到去,见到环境好似唔错㖞。就坐低点餐啦,我地叫个waitress介绍下有咩蚝好食。
最后order咗个蚝拼盘 $398 (包12 只 $36 以下嘅蚝,2个餐汤 ) 但我地补咗百零蚊差价食埋其他款嘅蚝, scampi, 牛蒡蟹肉薯饼,卡邦尼意粉。
首先讲咗食物质素
1. 蚝,不过不失,正常即开生蚝味道,新鲜嘅.... 不过,我食到成口壳... 唔小心啲食,爆咀都似。
2. scampi, 都算新鲜嘅, 但系细只。
3. 薯饼, 我肯定佢有落蟹, 因为食到有蟹壳,唔知呢D系咪叫原汁原味呢。
4 卡邦尼,我本身对佢期望最高,因为见有其他食家大赞.... 但系一食落去,灰咗, 个卡邦尼超级干身,食落口感就如某大薄饼餐厅的香蒜肉丝意粉, 同埋好咸, 我食咗2啖,真系食唔落, 但为免浪费, 我打包返屋企加工再煮。
5. 餐汤系磨菇汤,同金宝汤无分别。
讲完食物就讲环境同服务
1. 餐厅环境唔错嘅,我好欣赏佢张好靓嘅石面枱,但系我去𠮶日唔知系咪咁啱啦, 有2枱手抱小朋友, 不停叫嚣.... 我觉得好似去咗迪士尼咁,同女朋友去真系大杀风境( 利申:我本人十分喜欢小朋友, 但当日我系打算同女朋友静静地食餐饭)
2. 服务质素呢样要重点讲喇, 间舖得一个女waitress, 讲嘢十分大声。 我食咁耐,就听佢摸住酒杯底同隔离枱大声倾计倾足咁耐。 搞到我想揾佢斟水, 都唔好意思叫佢。 态度同服务, 一个字差。
总结,我地食咗$9百几蚊, 我地用餐时间只系用咗1 个钟,因为我地实在不能忍受落去。原本满心欢喜去食开年饭,但换嚟一餐黑面饭。成餐饭, 一张相都无影过。
张贴