香港飯堂

营业中

休息中

好少去餐厅堂食lunch，今日试下香港饭堂午餐。三月二日得九度，想食热辣辣的野食，午餐牌上选了黑椒炒意粉，以为无死啦，点知中伏。呢只意粉较幼身，似乎唔多适合用黎炒。啲黑椒汁落得太多，搞到个粉好湿，似黑椒汁意粉多过黑椒炒意粉。猪扒好难食，切开一够够，大约有四旧，但有三旧都有骨，好难咬，我又冇理由拎把刀切咁怪挂…话说本人正直壮年，都觉得猪扒肉好难咬开，奉劝冇乜牙力的老友记唔好食猪扒。其实今日好饿，但最后食净半碟，觉得自己愧对地球。移只碟时，发现只碟非常痴立立，店员戴住手套应该感觉唔到…奶茶就同平时水准一样。第一次试香港饭堂午餐，好失望，下次都系食返早餐银针粉。