影片
更多
2013-05-31
1764 浏览
十一点几先收工，同另一伴想去揾个地方医下肚，撞下撞下就行到好景，见有间韩烧，百几蚊任饮任食，讲真，闁闁韩烧都差唔多呢啲名，乜乜园、物物园、又花又和又梨，我都捞到乱晒龙，谂住呢啲（以为系连锁店）都唔会差得去边，但求食饱的感觉同满足感。咁嘅钟数，预左唔多人，入到去自己揾位座，揾左个窗边位，对住肥姐小食店，一摸落去个梳化....又霉又烂，加上走廊啲地毯好似俾几千万人踩过咁，反起晒，地毯中间穿晒窿，环境已经系负分。之后另一伴去拎野食，我就去拎野饮，个饮品桶够晒大，但衰在系冇水又冇冰。。。。常温！最后揾到罐美莲达同一千零一罐百事，其余的，都唔知系咩牌子，当初入场谂住饮下啤酒，唉，一拎上手，唔系狮威唔系哈尔滨唔系蓝带..而系内地啤酒，黑色logo的kingsway....OMG...真系小弟见识少，唔知有个咁的品牌，罐上所刻的简体字给予人无限信心！一番埋位，见到隔离行个位阿叔一个人队左几罐，叹住一路睇电视一路食，好梳符咁，我心谂，需然我唔够姜饮啤酒，但我都可以食到好梳符！谂起阵闁烧到滋滋声就兴奋！睇到另一伴拎野食番黎，无晒表情，拎左啲咩呢。。。。刺身 ，三文鱼、吞拿鱼。。。。咬第一啖想lur，唔会
十一点几先收工，同另一伴想去揾个地方医下肚，撞下撞下就行到好景，见有间韩烧，百几蚊任饮任食，讲真，闁闁韩烧都差唔多呢啲名，乜乜园、物物园、又花又和又梨，我都捞到乱晒龙，谂住呢啲（以为系连锁店）都唔会差得去边，但求食饱的感觉同满足感。
咁嘅钟数，预左唔多人，入到去自己揾位座，揾左个窗边位，对住肥姐小食店，一摸落去个梳化....又霉又烂，加上走廊啲地毯好似俾几千万人踩过咁，反起晒，地毯中间穿晒窿，环境已经系负分。
之后另一伴去拎野食，我就去拎野饮，个饮品桶够晒大，但衰在系冇水又冇冰。。。。常温！
最后揾到罐美莲达同一千零一罐百事，其余的，都唔知系咩牌子，当初入场谂住饮下啤酒，唉，一拎上手，唔系狮威唔系哈尔滨唔系蓝带..而系内地啤酒，黑色logo的kingsway....OMG...真系小弟见识少，唔知有个咁的品牌，罐上所刻的简体字给予人无限信心！一番埋位，见到隔离行个位阿叔一个人队左几罐，叹住一路睇电视一路食，好梳符咁，我心谂，需然我唔够姜饮啤酒，但我都可以食到好梳符！谂起阵闁烧到滋滋声就兴奋！
睇到另一伴拎野食番黎，无晒表情，拎左啲咩呢。。。。
刺身 ，三文鱼、吞拿鱼。。。。咬第一啖想lur，唔会令你再咬第二啖！
寿司，睇见都唔驶拎，不堪入目
炸薯条同麦乐鸡，同其他食评一样，保持水准。。。系淋嘅
辣味螺肉，得呢样系最正常
中华沙律，有阵”缩”味，唔敢食
个啲乜肉物肉，斋睇色水就唔多妥架喇，不过见有个炉烧住，烧熟啲都应该冇事嘅，最多咪疴姐！但只食左一round就冇再拎了
西瓜汁，超怪味，得个甜字同埋劲稀！可能都就收工，唔refill，由佢俾人”针”晒就算。
由超肚饿到睇见都唔想食，但由于成旧几水，唔舍得俾咗钱唔食，咁唯有拎下甜品食。。。
豆腐花。。。。。唔系卖晒，而系阿姐已经好有效率咁洗干净个木桶，唔洗试
雪糕。。。。。睇个雪糕盒的外观，牛X公司，超级劲爆硬，怀疑要用锤仔先揼得烂，其实见到个雪糕匙，放系一个装住左五颜六色嘅水嘅碗仔入面，食欲再跌watt！
最后埋单速逃！
题外话/补充资料：
可能自己真系唔识欣赏，话说自己好努力揼紧雪糕，后面个pair人系咁赞啲野食，又话有雪糕好抵又好味，肉类又多款
(以上食记乃用户个人意见 , 并不代表OpenRice之观点。)
张贴