洪記潮州滷味 (已結業)

嬲到第一次写食评见到咁多正评话卤水入味，又零负评，以为应该真系好食。点知去到铺头见到得1个食客，就已经觉得有d不妙。咁既然都去到，就谂住试下啦。见d正评系咁赞卤水鸭同卤水鹅，所以就叫咗个卤水鸭。上菜速度正常，碟野到咗之后，因为我不嬲冇影低野食嘅习惯，所以就直接开餐。客观黎讲，份量系大，饭多，鸭都多，仲有两大件卤水豆腐，同一啲睇落去辣嘅萝卜粒，仲有一碗汤。但食落去啲卤水鸭系一啲卤水味都冇，连咸味都系得少少，好彩系有鸭味，萝卜粒都只系微辣，碗汤系普通味精汤，有两旧萝卜咁，成餐我系可以用"健康"黎形容。虽然唔系话难食，但真系完全唔系啲正评讲咁好食，好失望，啲正评完全系离哂大谱。