愛文生

营业中

休息中

中佬情怀总是痴😂食嘅系港式大排档风味镬气。人气。地气今晚消费六百几食咗四大碟嘢饮咗一支蓝妹啤酒，价钱如何不过不失份量无可挑剔，但纯粹单凭感觉就真系无限分。全晚最值得推介系豉椒炒蛏子， 唔好睇佢细细支食落口又爽又甜又鲜味，如果能够再加埋凉瓜煎米底咁就真系very的good，而另外小弟觉得最romantic嘅炸大肠炸得外脆内嫩，而个甜酸汁相当到位不浓不甜不酸味道恰好，食落便自然勾起当年上海舖嘅炸大肠味道。不过避风塘虎虾同埋小炒王就真的比较一般，先讲小炒王镬气ok但就系唔够惹味，避风塘虎虾炒料够香够味，但虾本身就唔够新鲜，如果改食豉油王应该可以好接受一点。 整体今晚用膳情怀满分，难得仍然能够在香港食到传统大排档的镬气，小弟仍然推介大家一定要黎试下。