鮨穴

营业中

休息中

去到铜锣湾想舒舒服服坐低食个日式午餐，所以去左位于时代广场12楼嘅鮨穴。呢到环境阔落，唔驶等位。 估唔到连价日都有lunch set。 特上刺身御膳 - 连沙律、前菜、海鲜蒸蛋、白饭、味噌汤、甜品 ($338) 牛肉乌冬御膳 - 连沙律、前菜、海鲜蒸蛋、甜品 ($198) 沙律 新鲜沙律菜配上胡麻酱，食落好fresh。 前菜 辣味螺肉，都系出面食到果只味道。 海鲜蒸蛋 茶碗蒸，蛋蒸得好滑，里面有虾，蟹柳，菇同呜门卷。味道几好。 味噌汤 正常味噌汤，再有海带系入面。 特上刺身御膳 刺身有好多款，吞拿鱼、油金鱼、池鱼、立鱼、三文鱼、大赤虾、马类海胆、大帆立贝。全部都劲鲜甜！ 牛肉乌冬御膳连刺身 牛肉乌冬用上原片大牛肉，牛肉用火枪烧完，牛肉唔会太熟而且食落都好淋，劲正。另外，因为牛脂同菇菌汤底融合左，每食一啖乌冬都有好香牛油同菇味，呢个乌冬真系无得输。连埋一份小刺身，真系锦上添花。 甜品 日式和果子，梅子味，唔会太甜。 总括而言，呢一餐非常出色，食物种类选择多，份量又多，而且食材新鲜，值得下次再去。