叄壽司凍肉專門店

营业中

休息中

今日去咗呢间专做外卖嘅三寿司冻肉专门店度买外卖做晚餐，估唔到水准有几唔错。我哋叫咗一大堆三文鱼嘅菜式。先讲三文鱼，已经好肥美，好重油脂同鱼香味。然后我哋亦都嗌咗三文鱼腩，对比普通三文鱼，更加厚切同埋个油脂感更加重，咬落去𠮶下完全系成浸鱼油喺个口度。之后我哋都叫咗个牛油果三文鱼卷，牛油果夹埋三文鱼再加埋沙律酱，呢个配搭系冇得输。卷入边有青瓜同埋蟹柳，带点清爽感。然后我哋亦都叫咗出名嘅花之恋，正常发挥。另外都仲有一款蟹籽version，食落都系普普通通。而另外一个特别啲款式就系有黄金鱿鱼嘅花枝丸，黄金鱿鱼食落口感好滑有咬口，唔错。而另外亦都有个腐皮吞拿鱼沙律同埋腐皮辣味三文鱼，用腐皮包住嘅寿司饭，甜甜地加埋吞拿鱼同埋辣味嘅三文鱼，食落去咸甜咁样好惹味。我最钟意就系腐皮辣味三文鱼，三文鱼嘅辣味系来自于士拉差捞蛋黄酱，辣得来好刺激惹味，食落好开胃。整体嚟讲呢度嘅寿司都质素唔错，啲鱼食落都新鲜肥美，绝对唔会系𠮶啲冇晒鱼味嘅鱼生。如果大家唔想嘥时间排寿司郎，又唔想食太贵，呢度绝对系一个好嘅选择。