大戶屋

营业中

休息中

虽然呢间店有几间分店，亦好多人都听过，但我系未食过架。难得最近中环新开，我地全体同事过黎食ot饭。餐牌好多野拣，有几款都想食，但最终都拣左呢个牛小排套餐。等左一阵个餐黎系一路"沙"住咁黎，因为佢个牛小排系铁板上。套餐有前菜沙律，蒸蛋同汤。沙律啲菜好生唔好食，我冇食晒。个蒸蛋有好浓既蛋味，唔错既。汤就同平时差唔多，冇咩特别。个饭我加$10要左紫菜饭，当然味道系丰富左，不过讲真$10就唔系好抵。讲返主菜牛小排，好香好软淋，牛味亦重，好食啊！而佢既配菜薯蓉球亦唔错。不过又饭又薯蓉，食到我好饱啊。