Interval | Farmacy (數碼港商場) (已結業)

呢间数码港既餐厅都系以简约设计为主，简单既设计就已经俾到顾客好舒服既感觉。前菜先试呢个加钱Upgrade既布拉塔沙律，沙律中间就系一旧好大旧嘅布拉塔芝士，好新鲜好香，芝士味好重，食得出羊奶芝士既味，蕃茄同埋下面嘅青酱都配合得好好，咁样食唔会太溜，反而几开胃！主食叫佐两个意粉，一个系布拉塔芝士蕃茄大通粉，浓厚嘅芝士同蕃茄系最夹嘅，意粉除咗用蕃茄酱整亦都真系有新鲜蕃茄，所以味道都好新鲜好天然，通粉更加吸收到啲汁嘅味道，成个意粉酸酸甜甜，都系好开胃！另一个就系意式肉酱大通粉，呢个嘅肉酱整得好好，啲肉好腍，口感好好，亦都有好多芝士，味道浓香，同啲通粉都系好夹，食完成口都系芝士同埋肉酱嘅香味！