Bella Shine (已搬遷) 新店位置

有中古騎士倍你食飯，我估成個觀塘只此一家！呢間上樓餐廳起工廈入面，位置唔多起眼，入到去裡面，環境同工廈完全扯唔上關係，地方闊落，兩個中古騎士就站立起窗邊，一入去就被吸睛了，旁邊嘅一整排窗令到自然光滲透入內，而且燈光配搭得非常好，感覺舒適柔和，比到人休閒嘅感覺，令人放鬆。先來個招牌小食，魷魚一夜干，老闆話用自家制醬料、醃制後吊起再風乾一晚，先至拎去燒，香味十足，魷魚爽口又惹味，仲有D肉汁起入面，送酒一絕！另外，我再點咗個午市套餐，先上麵包，麵包加咗香草起裡面，焗完後香草嘅香味出晒黎，麵包微熱脆卜卜；前菜選咗個凱撒沙律，味道ok；主菜係澳州黑安格斯肉眼牛扒配牛肝菌燒汁，外層煎到剛剛好，入面就係半熟，鎖到肉汁起入面，牛排肉味加埋牛肝菌燒汁又係一個絕配。最後加上一杯香濃咖啡做總結，一餐完美嘅午餐就係咁簡單。