影片
更多
2024-02-06
349 浏览
今晚约左两个中同食晚饭, 紧系要揾d可以边食边倾嘅餐厅啦! 我地拣左主打食串烧嘅狐狸食堂! 超级抵食, 3个人人均都只系300几蚊, 已经食到好饱饱, 超高cp!✨️五花腩set如果未谂到食咩住, 大推大家点餐厅嘅串烧set, 觉得边款想食再追加! 佢地一个系猪腩肉set,一个系免治鸡肉棒set, 五花腩set入面有酱烧年糕猪腩卷／烧野菜猪腩卷／烧苹果玉桂猪腩卷／烧烟肉番茄卷, 车车觉得最好食系苹果肉桂猪腩卷! 入口好香甜嘅苹果味带肉桂香, 平时e个组合大多系甜食多, 今次配猪腩肉又冠清新, 而且食落juicy又唔腻! 而第2中意就系烧烟肉番茄卷, 一啖咬落去d番茄汁哔哂出嚟, 加埋烟肉咸咸香香超开胃!✨️免治鸡肉棒set估唔到免治鸡肉棒都可以有咁多口味, 一个set有四个口味, 可以满足哂唔同人呀! 有明太子免治鸡肉棒/柠檬盐免治鸡肉棒/芝士免治鸡肉棒/酱烧免治鸡肉棒, 车车就中意食柠檬盐免治鸡肉棒, 感觉上比较light, 而且清新醒胃! 中意食芝士嘅朋友仔就一定会好芝士免治鸡肉棒, 超级浓郁嘅芝士味劲邪恶!✨️樱花虾玉子烧玉子烧都有唔同款式, 而我地点嘅e款正正系佢地嘅期间限定嚟, 入
✨️五花腩set
如果未谂到食咩住, 大推大家点餐厅嘅串烧set, 觉得边款想食再追加! 佢地一个系猪腩肉set,一个系免治鸡肉棒set, 五花腩set入面有酱烧年糕猪腩卷／烧野菜猪腩卷／烧苹果玉桂猪腩卷／烧烟肉番茄卷, 车车觉得最好食系苹果肉桂猪腩卷! 入口好香甜嘅苹果味带肉桂香, 平时e个组合大多系甜食多, 今次配猪腩肉又冠清新, 而且食落juicy又唔腻! 而第2中意就系烧烟肉番茄卷, 一啖咬落去d番茄汁哔哂出嚟, 加埋烟肉咸咸香香超开胃!
✨️免治鸡肉棒set
估唔到免治鸡肉棒都可以有咁多口味, 一个set有四个口味, 可以满足哂唔同人呀! 有明太子免治鸡肉棒/柠檬盐免治鸡肉棒/芝士免治鸡肉棒/酱烧免治鸡肉棒, 车车就中意食柠檬盐免治鸡肉棒, 感觉上比较light, 而且清新醒胃! 中意食芝士嘅朋友仔就一定会好芝士免治鸡肉棒, 超级浓郁嘅芝士味劲邪恶!
✨️樱花虾玉子烧
玉子烧都有唔同款式, 而我地点嘅e款正正系佢地嘅期间限定嚟, 入口甜甜地蛋味香浓, 配搭樱花虾, 咸咸香香好惹味呢～
✨️鳕鱼丝
基本上去亲居酒屋都必点嘅小食嚟, 佐酒一流! 入口脆卜卜好香口, 忍唔住系咁食!
✨️烧吊片
烧吊片系车车一见到就即刻话要叫的! 一上枱已经流哂口水, 用酱烤过既鱿鱼唔洗讲都知好食, 烟烟韧韧又鲜香惹味, 真系难以抵挡!
✨️牛油蒜蓉翠玉瓜
食落脆脆地劲juicy, 加上用牛油蒜蓉无得输
✨️烧厚切牛舌
食落爽口弹牙几好味
✨️烧鸡皮
口感香脆, 上面撒上惹味既调味粉, 辣辣地几好食
✨️鳗鱼茶渍饭饭团
茶渍饭车车每次见到都会忍唔住叫, 饭团经酱油烧过, 所以外层闻到好浓郁酱香味, 上面放左一块厚厚既鳗鱼, 淋埋用鲣鱼煮既高汤再混合一齐食, 成件事好满足!
张贴
