明記海鮮潮州菜館 (天保大廈)

营业中

休息中

好耐无见班中同，一约敍旧吹水，即刻谂起呢间😆以前读书个时，一约食饭就首选打冷。无他，丰俭由人嘛。而家个人大咗，消费能力高咗啲，都仲系会好怀念呢种感觉！一黎到，女友就即系俾门口嘅大赖尿虾摄咗魂魄。起码叫两只先肯起镬，其他饭脚又无咩兴趣，咁无计喇，唯有同佢一人一只。呢度系我地两个各自食咗个下身先记得要影，可想而知原本有几大只。椒盐有豉味，虾壳炸得香脆。不过大濑尿虾无虾味呢个通病，系永恒定律。沙拉虾球，份量够多，味道就系正常沙拉乜乜嘅味😂无惊喜，但系稳阵。蚝饼出场！不过老实讲，炸浆咁厚嘅蚝饼，真系唔好食又硬，又油，蚝仔都有啲系唔新鲜...椒盐九肚鱼，呢个比较有诚意骨头炸得透，鱼肉唔梅，size岩岩好一啖一旧，秒清！啫啫通菜，有镬气又唔过咸，通菜食落无渣，唔错。叫够$300送嘅卤水拼盘，食落唔差，系唔洗钱呢个价钱黎讲就超值啦埋单位位$200，想当年百元有找...不过物价飞涨，最紧要佢仲屹立不倒，等我地仲可以聚旧，呢个价值系无价。