影片
更多
2023-04-17
645 浏览
话说𠮶日真系好肚饿，嚟到人称美食荒漠嘅青衣，我一早就有心理准备。一期我就冇选择到呢，因为既然二期算系新开咁就选择咗去二期揾食算，我见二期都有唔少餐厅嘅，中西日韩，但系明明个肚已经好肚饿，都呢样又唔想食，𠮶样又唔想食，想食𠮶啲餐厅又大排长龙，睇嚟嘴习到一个地步都连个肚唔比脸，我谂大家都试过㗎啦。咁啱路过呢间叫做南小馆，听个名就系卖南方嘅菜式，其实都唔系第一次路过㗎啦，都第二三四次。望两望，入面比我想像中要大，座位都好多，但人就比较稀疏，头几次路过都已经觉得好少人喺度食嘢咁，唔知系咩问题呢。餐厅空间大光线充足嘅，设计都比较简洁，睇落都坐得舒服，我喺门口打量咗一阵，望望菜单见到价钱其实都好想打退堂鼓，虽然中菜不嬲个价钱都系咁㗎啦，但系话晒都只系自己一个人食冇人分担，个荷包都有少少想缩番去m字快餐食个bell算，但系无奈我个肚已经顶唔到几耐，加上口硬唔食快餐要食就食好嘅，唯有就试试佢。一坐低啲茶水都好快到嘅，同众多中餐厅一样，餐具就一早摆好。个茶壶就系好似图入边咁嘅，金色，外形都特别，令我谂起啲旧式水煲，唔知大家屋企仲有冇用，一水滚就VV声。都几大个，但拎落比想像中唔太重，可能系本身个壶嘅物料
咁啱路过呢间叫做南小馆，听个名就系卖南方嘅菜式，其实都唔系第一次路过㗎啦，都第二三四次。望两望，入面比我想像中要大，座位都好多，但人就比较稀疏，头几次路过都已经觉得好少人喺度食嘢咁，唔知系咩问题呢。
餐厅空间大光线充足嘅，设计都比较简洁，睇落都坐得舒服，我喺门口打量咗一阵，望望菜单见到价钱其实都好想打退堂鼓，虽然中菜不嬲个价钱都系咁㗎啦，但系话晒都只系自己一个人食冇人分担，个荷包都有少少想缩番去m字快餐食个bell算，但系无奈我个肚已经顶唔到几耐，加上口硬唔食快餐要食就食好嘅，唯有就试试佢。
鸡丝凉皮
18 浏览
0 赞好
0 留言
一坐低啲茶水都好快到嘅，同众多中餐厅一样，餐具就一早摆好。个茶壶就系好似图入边咁嘅，金色，外形都特别，令我谂起啲旧式水煲，唔知大家屋企仲有冇用，一水滚就VV声。都几大个，但拎落比想像中唔太重，可能系本身个壶嘅物料就比较轻。而茶方面，无论色泽同味道都比较淡，品种我就分唔出，睇色泽唔会系红茶黑茶，饮落又唔似绿茶，似系白茶。
见个菜单都几多嘢食，好似菜楼咁，但系推介就无乜，咁我就比个肚去话事啦，所以嗌咗两个川菜，分别系皮蛋同担担面，首先就讲下个鸡丝先 鸡丝？边度嚟㗎，系咁嘅，本身我就唔系想嗌鸡丝系想嗌个皮蛋，因为谂住一个面加个小食就算，点知就嚟错嘢，个价钱份量都几大分别，唔嚟都嚟咗，唯有硬食。
鸡丝凉皮，淡，所有食材都好淡，系个价钱就唔淡，份量方面系可以嘅，大大份，呢个价钱咁大份都应该嘅，而味道呢就啱老人家。酱嘅花生味唔强，唔太滑，比较杰身，胜在唔油，食落无咩负担嘅感觉，但系唔推荐食得比较咸嘅人食。鸡丝唔痴牙，冇雪味，冇鸡味就预咗，因为呢道菜食主要系食食材嘅口感同酱嘅调和，呢个价钱呢个份量都唔会预比新鲜鸡加鸡脾肉，青瓜冇咩特别可以讲，冇青味算系一个小特点可以赞嘅，有啲青瓜丝系会食到好大阵青味，而呢个系唔会嘅，只会增加口感唔会喧宾夺主。凉皮方面我就嫌唔够滑，米味都唔够，碎湿湿，其实三种食材食落口成道菜式嘅味道系平衡嘅，青瓜嘅刀功切状同鸡丝有配合到，唔会太幼，但系凉皮就有点逊色，令到口感方面差咗。
担担面
9 浏览
0 赞好
0 留言
担担面，淡，有可能系我食得浓，皆因我本人都喜欢食担担面，去到边间中菜馆都会嗌，其他餐厅对比呢间，呢间就真系淡，好平民，好冇负担又冇刺激嘅感觉，有阵我会怀疑我系咪去咗一间老人院餐厅食嘢，唔通呢间嘢系主野老人口味。咁事后我都认为系情有可原，话哂人地都系叫南小馆，做南方菜式，我就叫咗两款川菜，虽然有一款系不请自来，唔紧要都照品味下。碗担担面一摆上枱闻到香嘅，香气都十足，而印象就唔深刻，因为闻唔到应有味道，花生味花椒味豆瓣酱等等，如果要形容个香味同味道，我会话系似隔离𠮶间嘅川菜𠮶啲辣油香味，唔讲以为碗嘢系隔离店整。然后肉燥肉碎好似冇额外做过工序，食落都系普通，份量比较少嘅，而好重要嘅面，质感偏腍，冇弹性，虽然系咁但系都有索味，挂汁嘅效果，如果有番啲弹力同口感就好好，有埋面粉蛋香味就更好。
担担面+鸡丝凉皮+服务费+茶介，$120多啲。
总括而言要留意每样菜式系似众多中餐馆一样都唔平嘅，唔算抵食，好在份量足够，味道就适合老人家小朋友食，菜式摆盘同特色方面，我就觉得呢个价钱都唔可以要求到咁多，有咁上下份量同味道唔系难食就过骨。服务还可以，成个场咁大好似都系得一两个楼面，可能人流唔算多，而厨房门长期开住，唔知点解，经常都会听到啲厨房里面嘅声。食完坐咗喺度开住电脑做咗阵嘢唔会太刻意赶客嘅，整体环境算系舒适光猛好坐，如果餐厅多番啲特色菜式，推介菜式就会比较好，有埋套餐我谂一家大细嚟食都会方便啲吸引啲。
事后我上google起咗一下个底，咁间公司都有喺香港上市， 旗下都系投资中餐西餐餐厅，原来都有成30年做餐饮嘅历史。佢地就话呢间餐厅嘅布置系用上海为基调，配上白色明朗的主调，简约现代中式设计，我都认同嘅，而菜式系新上海菜的品牌形象，我就冇叫到啲上海菜所以就唔作评论啦。
张贴
