圓山台灣料理 (已結業)

餐厅坐落都算宽敞，职员好热心，有细心介绍推荐菜式。晚市茶芥$16位，前菜系蒜油青瓜，爽脆健康，蒜味刚我好，无喧宾夺主。睇来睇去，我哋两个人最后都系叫咗套餐嚟食，好似最抵$328包四个小菜，饭同粉面就另叫。食台菜又点可以唔叫三杯鸡呢？顾名思义，三杯即系麻油一杯、米酒一杯、酱油一杯。呢度三杯鸡系用个砂锅热住上，咁样好好，因为三杯鸡都比较油腻，热住上，啲油就唔会结。鸡肉肉质不干涩,而且够晒入味。送饭一流。五味鲜鱼感觉似糖醋鱼但再甜d。鱼成条已经炸过，所以咩泥味杂味都无晒，鱼炸得好脆，即使加上咗酱汁都仍然可以食得出佢既脆皮。屏东小炒王材料有啲韭菜花、芹菜、虾干、炸鱼仔、金华火腿，蚬。有一种简单农村嘅感觉，有干货既咸香，青菜既草青、蚬肉既鲜甜，混在一起就是好。蚵仔煎蚝在正中间，沾上左蕃薯粉浆，烟烟un un，加埋外层既蛋皮，正，又一送饭之选！虽然个套餐无包饭粉面，我哋就另外叫咗三碗share，全部台式选择，我钟意担仔面嘅面比较粗，山竹米粉嘅幼细，肉燥饭既惹味，真系各有各好。话时话真系好耐冇去过台湾，食完即刻有个买机票嘅冲动。