胡爐 (已結業)

呢排冻冰冰梗系同屋企人打边炉最开心，约喺中间位尖沙咀就最方便。知道尖沙咀厚福街有间叫做胡炉嘅边炉好出名就同屋企人一齐去食。一出䢂装修好似睇电视剧入面布置嘅场景咁好中国feel，同佢哋个名一样有啲老北京嘅感觉。连装汤底个煲都系用青铜煲唔系出面茶楼嘅不锈钢煲，够晒特别。今次叫咗个川味酸菜鸭汤底，食物就叫左手打墨鱼丸，手打牛丸，手工云吞，手工鱼皮饺，杂菌拼盘，最后仲叫咗盘胡炉牛拼盘，入面有牛舌心,安格斯手切肥牛,极上手切牛颈脊,牛胸爽,霜降牛粒。我哋就最钟意食安格斯手切肥牛，牛胸爽就比较多油脂，钟意食肥嘅牛胸爽就啱晒。临走前发现原来以前系要套餐咁叫，但系而家已经就可以散叫，咁就方便晒钟意食唔同种类嘢食嘅客人，下次去尖沙咀打边炉自定啦。