茶墨 (已結業)

响The One行街，行行下下见到新开左一间台式饮品店。近来呢类台式饮品店越开越多，多过7仔，但呢间茶墨嘅出品又好似几有特色啊！叫左2杯signature嘅饮品：芝麻乌龙麻糬鲜奶同紫薯铁观音坚果奶盖。呢间店仲set左个打卡位俾人，咁杯野配埋个背景都靓嘅。除左打卡位，呢度仲有少量座位俾人坐住慢慢叹。黑芝麻同紫薯嘅卖相好靓，好似中国嘅泼墨画咁，好有艺术风。一个简单嘅饮品都整得咁靓真系好有心思，咁靓嘅嘢当然要攞过去打卡位影返张相影放上IG啦。黑芝麻鲜奶好重芝麻味，但又唔会太甜，仲有细细粒嘅麻糬好Q，其实比出面啲黑糖珍珠鲜奶更好味，更健康。至于紫薯初时以为会非常甜，但饮落去其实啱啱好，只系比黑芝麻是略甜少少，好重紫薯味，但饮完唔会觉得好滞。见佢啲雪糕嘅味道都好特别，所以忍唔住叫咗一个玫瑰味嘅雪糕。好少见到有玫瑰味嘅雪糕，所以试吓先。估唔到雪糕嘅颜色系咁啡，令我吓咗一跳，但食落去真系好重玫瑰味，好好味呀。