陳記燒鵝花園餐廳

营业中

休息中

跟左一日旅行团黎左呢间大伏餐厅，忍唔住要黎发番篇劣评。入到唔使等位，因为跟本无其他客人。叫左个338套餐二人餐：烧鹅例牌老火汤任选2款小菜-金银蛋白菜-椒盐海生虾两碗濑粉食到劲躁既一餐。个汤沟水咁淡到无味碟鹅肥到hihi，我本身都中意少少肥既烧鹅，因为贪有油香，但呢碟肥野真系搞唔掂。鹅皮淋晒，而且睇鹅皮就知佢系两只唔同鹅，拣啲难食又肥位拼出黎就叫例牌。其中几旧食落仲劲so, 完全无鹅味。应该系我人生食过最难食嘅烧鹅。椒盐海生虾，虾肉就唔算霉。但啲椒盐好似攞嚟装饰咁，劲少又唔脆，d 虾食落无味，怀疑佢唔记得落盐。濑粉质地正常，但煮濑粉个汤又系无味。清水濑咁金银菜系正常叫入得口。其他咁多碟都劲难食。当我地食左一半，都听到隔篱枱个呀婆话有一碟小炒咸到唔食得，叫佢重炒，又听到佢静鸡鸡咁话：个汤咁鬼难饮唔好饮晒quota. 姐系唔系我地呢枱黑仔，而系整体真系好难食。