影片
更多
2016-04-24
2761 浏览
今日中学同聚会，于是就㨂咗去金牌火足九龙区所以一直都无机会去试试。原来湾仔系旧年开咗间分店，真系开正我𠮶范😁真系估唔到依家啲边炉真系越做越好。我哋有成十个人咁梗系订房好啲啦，一世迟到嘅我今日竟然第一个到，咁梗系要影吓间咁宽敞设备又齐全嘅房比班老友睇吓啦。人齐！开食噜！我哋呢班人呢真系牛魔王🐮 。可能太忙嘅原因，总经理都出嚟帮手落单，系佢推介嘅金牌牛骨锅汤底。。。顶吖！食过呢个锅真系无得返转头，以后点叫我去第二间食呀！个汤底坚够浓，一啲都唔觉油淋淋，垫汤嘅牛骨大部份都系骨骹位、牛筋、牛腩、牛膀、肠都有齐，旧旧骨有小小肉痴住，重点系骹位啲软骨、骨胶原煲得啱啱好，只系饮咗啖汤食咗件骨胶原落肚就知应该好戏在后头。今晚我哋点咗劲多嘢食，不得不提而且要必食嘅本人会推介，牛肩脊、（？咩鱼？）、蛏子、鱼腐、墨丸、鱼蛋，当然仲有名不虚传嘅三秒响铃啦。我平时个人口味超劲重口味，去亲边炉都劲落所有酱汁配料，今次当然都一样死唔蚀底啦，应有尽有嘅酱料都落啦，之不过我发现今次我竟然系浑咗一大碗酱之后系无乜点过，事关样样新鲜，鲜味十足。牛肩脊肉脂均匀牛味香浓，师傅刀工嘅又切得厚薄适中，有𡁻头之余又软滑绵绵，真系无得
人齐！开食噜！我哋呢班人呢真系牛魔王🐮 。可能太忙嘅原因，总经理都出嚟帮手落单，系佢推介嘅金牌牛骨锅汤底。。。顶吖！食过呢个锅真系无得返转头，以后点叫我去第二间食呀！个汤底坚够浓，一啲都唔觉油淋淋，垫汤嘅牛骨大部份都系骨骹位、牛筋、牛腩、牛膀、肠都有齐，旧旧骨有小小肉痴住，重点系骹位啲软骨、骨胶原煲得啱啱好，只系饮咗啖汤食咗件骨胶原落肚就知应该好戏在后头。
今晚我哋点咗劲多嘢食，不得不提而且要必食嘅本人会推介，牛肩脊、（？咩鱼？）、蛏子、鱼腐、墨丸、鱼蛋，当然仲有名不虚传嘅三秒响铃啦。我平时个人口味超劲重口味，去亲边炉都劲落所有酱汁配料，今次当然都一样死唔蚀底啦，应有尽有嘅酱料都落啦，之不过我发现今次我竟然系浑咗一大碗酱之后系无乜点过，事关样样新鲜，鲜味十足。
牛肩脊肉脂均匀牛味香浓，师傅刀工嘅又切得厚薄适中，有𡁻头之余又软滑绵绵，真系无得弹。海鲜方面，有蛏子又有（？鱼），蛏子爽脆弹牙又鲜甜十足；条鱼嘅皮嘅胶质丰富直头完全感觉自己系度食物胶原蛋白嘅感觉，加上肉质新鲜嫩滑根本无需再点任何酱汁都巳经够晒可口更是原汁原味！
最后，食埋佢哋个贴心服务又甜又多汁嘅橙，起好晒啲肉方便啖啖肉入口。
下次再有聚会都会再嚟🤗
张贴
