一葉小廚

营业中

休息中

同邻居喺石门行山行到过嚟广源邨，落山谂住食个下午茶，但之前冇特别揾食边间。匆匆忙忙邻居就冲咗入去，啱啱喺OpenRice search到呢间嘢啲评语，其实都有啲保留。但既然冲咗入去，就不妨试试。餐牌选择系几多嘅，咁食茶餐厅梗系是最基本嘅沙嗲牛肉啦，佢有Crossover呢个蛋卷，咁就试埋佢。个沙嗲牛肉米感觉好似返咗中学小卖部用滚水渌米粉咁。不过以前𠮶啲系X字米粉，而呢啲系好难咬烂嘅新品种米粉，唔系好钟意食呢款。个沙嗲牛肉都唔知有啲咩评语可以俾⋯⋯只可以讲，我食到生抽嘅味道，但系食唔到沙嗲味。邻居就叻啦食面，系出前一丁有包麻油吊一吊味，真系差天共地。个蛋卷口感就好似咬泥胶咁，呢一餐完全补给唔到行完山嘅需要。