許留山 (已結業)

话说本人嘅母校就位于湾仔，虽然果阵校规好严，唔容许我地著住校服系街度留连，但我同班同学一于少理，一放学就会先去吃个下午茶、逛阵街先去补习，所以湾仔对我黎讲都有几多回忆㗎！而许留山都系我中学时期经常去打趸既地方，最中意就系去sogo对面果间（已结业），因为啲椰汁呀火麻仁机都系出面，系入面买完之后店员就会比个杯你出去斟。通常我和朋友都会share一杯，饮完又会趁店员唔为意果阵refill，好鬼抵饮！今日黎到湾仔嘅许留山，要点就一定系点多芒小丸子啦！事关当时佢出多芒小丸子时我都净系食佢，可以话陪住我成长。今次芒果唔会好酸，而芒果雪糕一如以往够冻，有香浓芒果味。去到主角小丸子，坦白讲有少少失望，以前既小丸子超烟韧，同埋比而家大粒小小，份量又多少少，但而家嘅小丸子又细粒又硬又实，咬落去劲有𡁻口，咬劲耐都未呑得，最后我放弃食小丸子，只系食哂啲芒果算数。