影片
更多
2015-05-19
286 浏览
好耐冇同中学同学见面喇! 食完个饭去到夜晚想揾个地方坐低食甜品加继续吹水, 行过见到甜牙牙有FD话想去试下就入咗去, 其实一路都有听闻甜牙牙D野几抵食夹大份, 咁就岩晒几个人一齐去食啦!!呢间野虽然地方唔算大, 但都整齐同干净, 人流都唔算少... 我谂系呢个时间大家都会去食甜品加倾下计挂~我地TOTAL就叫咗4样野,一个都几特别同少见嘅荔枝流心布丁,香芒吐司盒,士多啤梨PANCAKE同埋芭娜娜提拉米苏窝夫~好似叫咗好多咁添哈哈! 首先黎嘅系荔枝布丁,有D果肉系个布丁旁边围住, 而个布丁上面就好似系荔枝雪芭, 原来系HELLO KITTY样黎架! 好特别, 食落口感都唔错, 而且原来布丁入面仲有荔枝果肉, 几清新, 我就觉得味道唔太算甜, 所以我个男仔朋友觉得好好食, 我谂系因为男仔有D都唔太钟意太甜挂...而第二样黎嘅就系香芒吐司盒, 好大份好靓, 佢卖相真系冇得顶,不过呢份吐司盒唔止得卖相, 食落都好好食... 佢最高个度有旧雪榚同一块橙干, 几得意, 而下面个D就系吐司黎嘅, 本身以为佢要逐块好麻烦咁切, 但拎开发现佢好贴心咁每片吐司都分成3小条, 佢块吐司条真系不得了! 应该系
呢间野虽然地方唔算大, 但都整齐同干净, 人流都唔算少... 我谂系呢个时间大家都会去食甜品加倾下计挂~我地TOTAL就叫咗4样野,一个都几特别同少见嘅荔枝流心布丁,香芒吐司盒,士多啤梨PANCAKE同埋芭娜娜提拉米苏窝夫~
好似叫咗好多咁添哈哈! 首先黎嘅系荔枝布丁,有D果肉系个布丁旁边围住, 而个布丁上面就好似系荔枝雪芭, 原来系HELLO KITTY样黎架! 好特别, 食落口感都唔错, 而且原来布丁入面仲有荔枝果肉, 几清新, 我就觉得味道唔太算甜, 所以我个男仔朋友觉得好好食, 我谂系因为男仔有D都唔太钟意太甜挂...
而第二样黎嘅就系香芒吐司盒, 好大份好靓, 佢卖相真系冇得顶,不过呢份吐司盒唔止得卖相, 食落都好好食... 佢最高个度有旧雪榚同一块橙干, 几得意, 而下面个D就系吐司黎嘅, 本身以为佢要逐块好麻烦咁切, 但拎开发现佢好贴心咁每片吐司都分成3小条, 佢块吐司条真系不得了! 应该系搽咗蜜糖再去焗, 好好食呀! 佢仲要系外脆内软架! 平时D吐司可能系中间个位就会冇咁脆, 但呢度系每块每个位都咁脆! 睇得出都落咗几多心机咁!大家食完都话好食~
跟住就到士多啤梨PANACAKE, 照旧系卖相十分吸引~~又够COLORFUL~ 不过呢个甜品味道比较淡, 冇头先吐司盒咁甜, 所以又系D男士觉得好食D, 不过可以一赞嘅系佢PANCAKE几厚, 但系唔会好实心咁, 几松化架!
最后就系芭娜娜提拉米苏窝夫~其实芭娜娜原来即系香蕉哈哈XD 佢个芭娜娜提拉米苏好特别, 最底有旧冻蕉, 好食! 而窝夫就有D特别, 佢系成旧都系松化同脆卜卜嘅, 好似我呢D钟意食脆口野嘅人就觉得好好食!~ 同埋佢有配糖浆比你食窝夫架~~大家食完一轮, 都觉得个胃非常满足... 感觉系真系好大份呀, 同埋都真系好食嘅! 唔知仲有冇机会再同佢地黎食甜品呢? 希望下次快D再约到出黎啦~
张贴
