影片
更多
2016-01-10
1258 浏览
小食馆系我二十几年前由小六食到中五毕业既地方，大家知道老板将会荣休一月尾结业都好唔舍得！人潮不断！连久未露面既老板都要亲自落场，老板说系平日生意既4倍！所以约番中学时既饭脚一齐去怀缅一下，事前明知无得卖炸老旦，炸老柴，汽水，即「联合国」(将几种汽水沟埋一齐）都唔会有，因为炸唔切，汽都打唔切。虽然有点可惜，不过都无损我地既心情^^一行六人，等咗半个钟左右，终于等到啦，仲可以坐系老板水吧前既坐位，超开心！先黎豆腐花，其实系蜜瓜味既大菜糕黎既，唔好误会呀，亦系特色之一。再order咗杂锦（即猪皮，萝卜，猪红），炸旦，炸红肠，炸鱼饼，墨须，公翅（即碗仔翅捞公仔面），翅针(即碗仔翅捞银针粉), 翅捞大肠加猪红，生菜鱼肉，另外记得一定要叫多碟沙嗲酱，因为系自己炒㗎！我叫既翅捞大肠加猪红好大碗，呢度既翅肠猪红好好食，绝无偷工减料无沟水，真正既平民美食！最后6个人食咗$360，真系劲饱劲满足。好想再去食…
小食馆系我二十几年前由小六食到中五毕业既地方，大家知道老板将会荣休一月尾结业都好唔舍得！人潮不断！连久未露面既老板都要亲自落场，老板说系平日生意既4倍！
所以约番中学时既饭脚一齐去怀缅一下，事前明知无得卖炸老旦，炸老柴，汽水，即「联合国」(将几种汽水沟埋一齐）都唔会有，因为炸唔切，汽都打唔切。虽然有点可惜，不过都无损我地既心情^^
一行六人，等咗半个钟左右，终于等到啦，仲可以坐系老板水吧前既坐位，超开心！
先黎豆腐花，其实系蜜瓜味既大菜糕黎既，唔好误会呀，亦系特色之一。
再order咗杂锦（即猪皮，萝卜，猪红），炸旦，炸红肠，炸鱼饼，墨须，公翅（即碗仔翅捞公仔面），翅针(即碗仔翅捞银针粉), 翅捞大肠加猪红，生菜鱼肉，另外记得一定要叫多碟沙嗲酱，因为系自己炒㗎！
我叫既翅捞大肠加猪红好大碗，呢度既翅肠猪红好好食，绝无偷工减料无沟水，真正既平民美食！
最后6个人食咗$360，真系劲饱劲满足。
好想再去食…
张贴
