鴻御百年山西大同刀削麵 (已結業)

又去红磡做野，原来劲多小店劲多野食，今晚经过见到好多人食，就试下。入面有刀削面，又有泰式饭食，岩哂唔同选择。山西剁椒油泼面$50刀削面口岩软硬岩岩好，有质感有咬口之余又唔会太硬，精华就系佢特色辣酱，好香口，同配菜例如芽菜青瓜捞埋一齐，好惹味，食唔停口。泰式青咖喱鸡扒饭$60青咖喱好香，椰味浓，又唔会太辣，送饭一流。鸡扒好多块，切到细细件，方便食。最精华系薯仔，超级入味，又够冧，劲好食。泰式烧猪颈肉$65超级多块，厚薄适中，肥瘦均匀，肉质爽口，烧得皮脆肉嫩，点埋个酸辣酱汁食好惹味。山西老大同小烧肉$52小烧肉有4件，食落入口即溶，肥而不腻，油香满满，十分入味。蚝油菜芯$25满满一碟，煮得岩岩好，完全冇渣，健康之选。山西大同黄米凉糕$39/4件第一次食，上层系小米，食落有口感偏硬身，下层就系糯米，烟韧软身，两者唔同质感令到口感层次更丰富，配上桂花糖，清新飘香，唔会太甜。📌 鸿御百年山西大同刀削面地址：红磡宝其利街43号地铺评语食物质素高，够正宗食物真材实料，性价比高店员友善好客🐵推介🍌🍌🍌🍌🍌（5🍌为满分）#foodie #美食 #外食 #知己相聚 #foodielife #foodieh