影片
更多
2023-02-03
3567 浏览
🌟餐厅：The Tai Pan📍地址：中环红棉路22号The Murray, Hong Kong酒店花园楼层💰价位：～$200 - $400⏰营业时间：星期一至日 12:00 - 14:30 / 18:30 - 22:00📱电话：3141 8888相信大家对The Murray 绝不陌生，坐落于中环红棉路，由美利大厦活化而成，系城中瞩目地标! 无论之前黎staycation 抑或黎打卡影相，环境及氛围都一流!!今晚就约左个朋友黎呢间酒店既餐厅The Tai Pan 食饭，一于系呢个咁瑰丽堂煌皇既环境底下，品尝下佢地全新推出既最新美馔先!🌟中式套餐🌟头盘🔹原只鲍鱼鸡粒酥🔹陈醋青瓜海蜇🔹蟹籽烧卖呢几款头盘既点心超水准，卖相亦好精致! 原只鲍鱼鸡粒酥既挞底入口非常酥脆，鲍鱼够哂大只厚身之余，咬落仲好弹牙，搭配埋内层既鸡粒酱，好滋味!陈醋青瓜海蜇调味好出色，陈醋微微酸，搭配爽脆既青瓜及脆口既海蜇，令人好开胃~蟹籽烧卖大大粒，材料充足，虾肉爽弹有口感，混合猪肉咬落都几juicy!———————————————————汤 (每位一款)🔹松茸菌竹笙炖响螺🔹龙虾汤鲜蟹肉燕窝羹呢2款汤品各有特色~松茸菌
📍地址：中环红棉路22号The Murray, Hong Kong酒店花园楼层
💰价位：～$200 - $400
⏰营业时间：星期一至日 12:00 - 14:30 / 18:30 - 22:00
📱电话：3141 8888
相信大家对The Murray 绝不陌生，坐落于中环红棉路，由美利大厦活化而成，系城中瞩目地标! 无论之前黎staycation 抑或黎打卡影相，环境及氛围都一流!!
今晚就约左个朋友黎呢间酒店既餐厅The Tai Pan 食饭，一于系呢个咁瑰丽堂煌皇既环境底下，品尝下佢地全新推出既最新美馔先!
🌟中式套餐🌟
头盘
🔹原只鲍鱼鸡粒酥
🔹陈醋青瓜海蜇
🔹蟹籽烧卖
呢几款头盘既点心超水准，卖相亦好精致!
原只鲍鱼鸡粒酥既挞底入口非常酥脆，鲍鱼够哂大只厚身之余，咬落仲好弹牙，搭配埋内层既鸡粒酱，好滋味!
陈醋青瓜海蜇调味好出色，陈醋微微酸，搭配爽脆既青瓜及脆口既海蜇，令人好开胃~
蟹籽烧卖大大粒，材料充足，虾肉爽弹有口感，混合猪肉咬落都几juicy!
———————————————————
汤 (每位一款)
🔹松茸菌竹笙炖响螺
🔹龙虾汤鲜蟹肉燕窝羹
呢2款汤品各有特色~
松茸菌竹笙炖响螺汤头好清澈，用料十足，每一啖都充满螺头既鲜味，浓而不咸，火喉十足~
龙虾汤鲜蟹肉燕窝羹呢款中西合壁既汤品出奇地夹，浓稠既龙虾汤加入蟹肉，鲜味十足，上层面更加入燕窝，层次丰富!
———————————————————
主菜 (每位一款)
🔹麦香黄金虾球
🔹杞子虫草花蒸鳕鱼柳
🔹蜜汁黑豚叉烧
🔹海南鸡
我地就拣咗杞子虫草花蒸鳕鱼柳同蜜汁黑豚叉烧～
呢款杞子虫草花蒸鳕鱼柳，有惊喜!! 鳕鱼柳入口好滑顺而且啖啖肉，搭配杞子虫草花，香气十足～值得一赞佢地个秘制蒸鱼豉油，用咗多种材料如香葱、果皮等调配，更能突显鱼肉嘅鲜味～
至于蜜汁黑豚叉烧，肉质唔算太肥腻，口感十足，带点玫瑰露嘅香气，都几出色!
———————————————————
米饭 (每位一款)
🔹飘香荷叶饭
🔹鸡油饭
🔹丝苗白饭
飘香荷叶饭卖相好精致，以笼仔荷叶呈上，一开盖香气十足，而且用料亦好丰富，加入虾米、瑶柱及腊味，食落好满足～
鸡油饭既饭粒煮至粒粒分明，鸡油味香浓十足而唔太油腻，好正!
———————————————————
甜品 (每位一款)
🔹蛋白杏仁茶
🔹椰汁红豆糕配合桃酥
蛋白杏仁茶食落好清甜而且杏仁味十足，蛋白入口都几嫩滑，热辣辣好养生～
佢地既自家制椰汁红豆糕椰香味出众，红豆份量够哂丰富～而合桃酥焗得好酥脆，入口松化～
———————————————————
😋味道：4/5
🏢环境：4.5/5
💁🏻♀️服务：4/5
💵价钱：4/5
🤟🏻性价比：4/5
———————————————————
👅整体小总结
系呢一个咁优雅嘅环境食饭真系令人好舒适~The Tai Pan 楼底够高，氛围及灯光一流，岩哂打卡～值得一提既系，餐厅店员既服务好贴心，上菜时用心介绍菜式，每一位都温文有礼，抵赞～
张贴
