小皇府 (惠安苑) (已結業)

听同事讲华兰路新开咗间中式小厨「小皇府」都唔错，今日就约埋饭脚去试一试。打开餐牌，原来除咗碟头饭，呢度仲有点心、煲仔饭，而且价钱都算ok。大食积上身，我哋每人叫咗个煲仔饭/河粉之余，仲叫咗个点心+口水鸡，一于食尽佢。小秘书点嘅腊肠蒸鸡煲仔饭，上枱已经闻到好香呀！不过饭底就湿咗啲、细煲咗啲，味道都唔错；至于点心我哋就要咗个带子魔鬼鱼饺，外表肥嘟嘟、好可爱，食落都几鲜味🤩 不过另加果碟口水鸡就完全唔得，鸡肉无味又鞋烚烚🥴 「小皇府」整体嚟讲都还可以，起码坐得舒服又唔会赶我哋埋单😆 应该会返单嘅！