泉章居 (已結業)

喺朋友推介下，黎左呢间泉章居，位置有少少「格摄」，喺旺角东站同埋旺角站中间，一入到去，都有唔少人坐咗喺度等，初时以为要等位，所以问知客拎左张飞就自动坐埋一边等，坐左5分钟，佢就同我讲「上得去架啦!」。(之后另外两个迟黎少少既朋友同我都一样经历左喺楼下等位既经验)据闻泉章居既鸡出名好食，所以就叫左个二人餐，要左例牌既霸王鸡，有两碟小菜，送个例汤，都算几抵，怕唔够食就再叫多左碟腊味饭。本来谂住例牌份量既鸡应该好细碟下，点知佢一上菜，个份量比想像中大好多！最后我地三个男人都好够食。佢既鸡肉好滑，啖啖都系肉，腌得香口，但又唔会太咸。佢有配个麻酱，一齐点黎食都唔错，不过咁靓既鸡，当然系原汁原味食最好！冬天豆苗当造，当然要叫番碟蟹肉扒豆苗，果然无令人失望，豆苗食落好清甜，只系唔太感觉到佢有蟹肉味，不过捞白饭食都系一流！例汤虽然话系二人份量，但都好大碗下，最后我地三个男人都系饮剩少少。饮落都几开胃舒服，比较清甜，对平时无乜汤水饮既返工一族都系一个唔错既推介。粉丝牛仔骨煲，又系另一个捞白饭之选！牛仔骨食落好够稔，好有黑椒味，而粉丝更加系吸哂牛仔骨同埋黑椒汁既精华！腊味饭，最后呢碟就真系比较普通，同平时