影片
更多
2008-06-04
21 浏览
是晚并唔系乜野特别日子, 但老公比然带我去呢度吃, 望到餐牌果刻对眼都争d跌左出黎, 得两个set拣, 一个$600, 一个$1080, 全鸡肠menu, 仲要超超超超超贵!! 去香港一d贵价酒店buffet都未洗呢个价, 但食过之后我觉得好值, 系非常值, 后来老公讲先知, 话呢间系被米芝莲评级过既十大食府, 唔怪之得, 是晚无线港姐姐仔陈x微都向同场房仔食饭. 我地叫左一个贵及一个平既互相share黎试.佢既食法有点似法式, 就系好多个前菜, 而每份又份量少少, 但食完后我觉得几饱(我本身系大食积类), 而佢系话自己系Chinese Food, 佢系以中式材料以西式做法去做每道菜, 所以每道菜都好有特色同埋食得出个诚意及心机!! 强烈推荐储钱都要去食一次, 因为真系好特别, 味道亦做得好好, 每道菜都配合得好调和, 而上每道菜时, 侍应都会介绍呢个材系用乜野材料去做, 服务好好.入正题, 前菜太多我都唔记得咁多, 第一个系生蚝配以姜汁及其他汁, 一啖过食, 好味!! 再有生蚝豆腐, 入口即融, 果种口感, 难以言喻; 仲有鹅肝窝贴; 生尾灌汤饺配以赤米虾汤底, 好香浓; 其中最有
佢既食法有点似法式, 就系好多个前菜, 而每份又份量少少, 但食完后我觉得几饱(我本身系大食积类), 而佢系话自己系Chinese Food, 佢系以中式材料以西式做法去做每道菜, 所以每道菜都好有特色同埋食得出个诚意及心机!! 强烈推荐储钱都要去食一次, 因为真系好特别, 味道亦做得好好, 每道菜都配合得好调和, 而上每道菜时, 侍应都会介绍呢个材系用乜野材料去做, 服务好好.
入正题, 前菜太多我都唔记得咁多, 第一个系生蚝配以姜汁及其他汁, 一啖过食, 好味!! 再有生蚝豆腐, 入口即融, 果种口感, 难以言喻; 仲有鹅肝窝贴; 生尾灌汤饺配以赤米虾汤底, 好香浓; 其中最有特色既系个腊味糯米饭, 系以腊肠制成雪糕, 然后再配以窝巴一齐食, 口感系绝配, 亦觉得果个腊肠雪糕真系好绝; 仲有豆豉雪糕配以青苦瓜雪芭, 配搭又系好妙及好正; 其他仲有好多款前菜, 每款都好好味.
主菜就千祈唔好点羊, 因为我叫左, 之后d侍应话返唔recommend d客叫羊, 羊系for d唔食牛猪等人叫既(但我地点菜时冇侍应推介所以叫错左), 但老公果个牛好正, 和牛配以肠粉及黑松露菌酱, 几样野混埋一齐食, 简直绝到不得了!!! 之后佢地送左个银鳕鱼main course比我地, 都好食, 但牛最出色.
甜品就系有柑桔雪糕配朱古力煎堆, 柑桔雪糕几好味, 最具特色就系果个芝麻糊梳打, 天呀!! 呢个食法真系好正, 一d都唔漏.
总之是晚非常满足, 超好味!!
张贴