聚福樓 (已結業)

我朋友话要食聚福楼，听个名，心谂唔系挂，两个后生仔去饮茶？一到去，完全颠覆左我原本嘅睇法，门口布满花花草草，劲靓，完全系打卡位黎。入面嘅装潢，同出面系一样嘅风格，有种7，80年代旧情怀嘅感觉，好有特色。讲番野食，又系一个surprise位，虽然餐厅名同装饰都有好中式，但真正sell嘅系西餐。可以见到menu嘅菜名，都落足心思，个个都好搞笑，但难得又唔会离地到睇唔明。前菜嗌左佢个招牌salad, 聚福楼大唒健康沙拉。佢嘅特别位系，除左沙拉菜，都加埋啲杂果。不过略嫌水果唔岩季节，加埋啲沙拉醋，整体过酸。主菜方面，阿虾话太子仔只喜欢天使嘅你。真心出色！天使面挂满粒粒蟹籽，系忍唔住嘅一啖接一啖，有5只大虾，爽口多肉。唔系讲笑，极推！另外都嗌左个 小猪仔好慢好慢咁去打排球。平时我出街食，都唔会轻易嗌猪肋排，觉得佢太难切，而今次出乎预料中，劲好切！可能系慢煮嘅关系，啲肉劲淋。加埋啲酱料系正嘅。另推佢嘅炸南瓜，切到好似薯条咁，南瓜本身嘅甜味，觉得绝对完胜普通炸薯条。总括嚟讲，环境几有特色，食物质素唔错。