浦東晉家門

营业中

休息中

今晚黎到太子呢间餐厅开饭, 斋睇门面, 完全系中式嘅设计, 唔知仲以为佢系食中菜, 其实佢嘅真身系间 Pub & Café 黎介 !!店内环境简直系中西合壁, 非常特别。餐牌封面设计亦充满中国风, 但 Menu 上全部都系西餐菜式。洋葱圈洋葱圈色泽金黄, 炸到非常干身, 外酥内嫩, 口感酥脆, 份量又多。辣汁番茄蒜香长通粉以 Creamy 嘅忌廉番茄汁煮长通粉, 长通粉唔会煮到过淋, 味道酸酸辣辣, 非常开胃。香草三文鱼免翕排同一般嘅三文鱼排有 D 唔同, 呢块三文鱼嘅肉质比较嫩, 口感一 D 都唔干唔 “鞋”, 而且仲啖啖肉, 基本上已然冇咩鱼骨, 简单用香草调味烹煮, 令三文鱼味更突出, Simple And Delicious !!猪肉肠酥皮卷上菜时, 店员会作简单介绍, 呢款菜式每日只会卖大约 4 份, 以酥皮卷起自家特制嘅猪肉肠, 然后拎去焗。猪肉肠酥皮卷色泽金黄, 口感松脆, 猪肉肠肉汁丰富, 而且细嚼后, 回味中仍带有香浓嘅肉汁味道。紫薯香蕉松饼完全感受到厨师嘅用心制作, 花形嘅松饼上逐一铺上香蕉片, 加上忌廉 & 朱古力雪糕, 再挤上朱古力浆 & 炼奶, 斋睇已经好靓。