梅光軒 (登龍街) (已結業)

永远策略中国节日食东南亚或者西餐，西方节日食中菜打边炉，咁就唔洗同人迫餐死，中秋日个个返屋企或者食中菜，难得正日唔洗做节，男友又放假，更系行下街啦，虽然维园花灯一年比一年差，但总系想去行下，去维园前系铜锣湾食饭，登龙无一间要排队可以慢慢选，梅光轩舖唔大，坐位不多，通常要排队，系唔洗排，不过好多野卖晒男友叫左味噌拉面正常份量，我叫左酱油汤半份拉面，拉面几好食，汤就普通左，要惜食唔好做大晒鬼，好多时半份都系平几蚊，呢度半份平20几蚊，就用差价叫左一份两件牛肉炸薯饼，食到即用新鲜油炸，表皮系好香面包味，女仔真系可以考虑叫半份面+一件薯饼刚刚好够饱，又唔会太肥，下次要试忌廉蟹肉炸薯饼