椿禾

营业中

休息中

系香港，卖中式糕点嘅舖头真系唔系好多，喜欢中式糕点嘅我，每次见到都总要买返几件，今日经过九龙城见到呢间小店，梗系要买黎试下。除咗中式糕点，小店仲有自家制樽仔饮品，价钱都算亲民。椰汁西米红豆糕 :粒粒红豆有咬口，够晒足料，味道唔太甜，加上薄薄嘅椰汁糕，味道更有层次。椰汁西米糕 :本人最爱椰汁西米露，见到呢款椰汁西米糕又点可以唔叫？食落烟烟韧韧，椰汁味香浓，西米份量都好多，好似饮紧西米露咁。芝麻糕 :芝麻香味突出，口感软糯幼滑，唔会太干。椰汁桂花糕 :桂花散发出淡淡清香，相比起椰汁糕，食落清新无咁腻，长辈较喜欢。椰汁芝麻糕 :黑白相间分明，卖相好靓，香浓嘅芝麻配上甜甜嘅椰汁，味道无咁单调。