米走雞 (昭德大廈) (已結業)

同两位芝士爱好者黎呢到见识下呢个黄金鸡煲，之前在其他餐厅都是吃辣的，所以今次呢个芝士版够哂特别！我地三个女仔食得唔多，所以叫咗细黄金鸡煲。份量刚好，每旧鸡都系啖啖肉，唔多骨，同芝士原来咁夹。D芝士仲可以拉起！之后加汤变火锅，芝士味依然突出。牛颈脊，牛味浓，如果用新鲜手切嘅就更加完美。蒙古羊肉片竹笙墨鱼滑- 好有创意！用手打墨鱼滑酿入竹笙内，竹笙咬落脆囗，墨鱼滑非常弹牙，呢个配撘一定要试！手打粟米牛丸- 好弹牙，包住好多粟米粒，甜甜地，同牛丸好夹，呢到D手打丸食得出系用好质量嘅食材。手打wasabi墨丸- 我好怕wasabi所以留返俾D朋友食啦，又一样创意食品。响铃- 浸1，2秒就食得，正常味道菜类- 全部都系半份，但都好多！其实我地仲想试其他食物： 鱼欢喜、芝士出前一丁、蚝，但今次已经食得好饱。