太平飯店 (已結業)

今日去将军澳线做野，搭多几个站直接去港岛东揾好野食。之前听朋友讲过呢间中式嘢食都唔错，尤其是烧鹅好好食，就等我黎食个快餐试下啦！我地两个人嗌左一个烧鹅炒饭，同埋一个叉烧煎蛋饭。烧鹅返比想像中更加好味道。首先佢镬气好够，啲饭炒到粒粒分明，有蛋白丝，亦都有蛋香，但又唔会太咸，或者太油。烧鹅切得比较细粒，份量唔算话好多，不过鹅味好浓。相信如果系嗌例牌烧鹅，会更满足。叉烧煎蛋饭都OK，蛋系太阳蛋，有少少流心效果。叉烧味道正常，唔会话特别好食或者难食，正常野。饭量好多，豉油甜味重，同叉烧&蛋都好夹。食中式餐厅最紧要系杯奶茶 XD！觉得呢间奶茶的茶味都浓，奶味出，算是合格以上的分数。下次可以试下食小菜，相信都应该几唔错。