小白鷺餐廳 (已結業)

星期日风和日丽，都好耐冇来小白鹭，下午2点几去到，停车场都好多位㖞，以前呢d食饭时间好爆架，唔通有function 俾人包场（以前都遇过）？去到餐厅门口见到有好多位，望下个menu 睇下有冇tea食先，哇，有中茶饮，有中式点心食( 以前冇架) ，即管入去试试先。食落就真系麻麻，厨房果个肯定系初学冇耐，叉烧饱个馅好似浆糊咁又冇甜味，烧卖用太瘦既猪肉变得实谷谷，虾饺一般，糯米鸡唔掂，煎萝卜糕好少料仲要系辣既，佢应该系加左辣椒油来做，（如果你唔食得辣既都几大镬）……唉总之真系完全唔得。唯一值得赞既系盎茶同埋服务，个经理话呢度点心只系serve 左一星期，问我地comments 如何，真系唔知点答。不过，始终都系钟意呢度既环境，下次来都系食番西餐算啦。