好麵棧 (已結業)

早排喺朗屏站出嚟经过见到呢间新开嘅车仔面店已经好想食，今日决定去试一试。入到嚟第一个感觉就系好干净、整洁，灯火通明。 再望吓个餐牌，选择很多，又任选车仔面，有车仔面套餐，有太阳蛋大碗饭系列，仲有捞丁等。最近元朗都冇乜高质嘅芝士捞丁食，见呢度有几平，就决定试一试。巨大大炸鸡扒捞丁，好令人惊喜。块炸鸡扒肥厚得来好嫩滑，厨师控制火候控制得好好，而且鸡扒皮仲要煎到脆身，配有少少胡椒味，食落好惹味。而芝士底份量好足，所以带到好香浓嘅味出嚟。沙嗲牛柏叶，好大碟，而牛柏叶好靓，望落唔会太白咁化学，食落爽口唔洗讲，配衬埋沙嗲酱好match，食完一碟都未够，好想encore。