影片
更多
2010-08-10
214 浏览
今日(10-8-2010 Tue)同男友起身后,谂去边o度食早餐,o黎到兆和街,见久遗了o既合发餐厅,就走入去啦.点知中招,所有o野食都转晒翠华o既,都知道佢o地被翠华收购o左,但名仍保留’合发’两个字,谂住应该重有合发自己出品o既o野,点知系冇o既. 唔入都入o左o黎,唔坐都坐低o左,唯有叫o野食啦.我叫o左个$22.00o既法兰西特长热狗,要冻奶茶.男友要$20.00o既特脆猪扒饱,饮热柠茶.好快,我o既冻奶茶到o黎,有大半杯系冰,茶味好彩仍够.等好耐,男友o既热柠茶至到,我留意到系原来系厨房储埋一次过出几杯,真系掂.再得多阵,距离落单时间约7分钟,特脆猪扒饱到o黎,上碟时已切开一半,有生菜,酱瓜,但我见啲生菜边变o左红色,好心厨房唔好畀呢啲人啦.我同男友一人一半,食落,猪扒冇乜味,包就真系好脆,味道就全靠沙律酱同酱瓜.味道: 4分,其中1分系畀脆猪仔包同酱瓜.同男友分开慢慢食,食完重要等好耐,我o既法兰西特长热狗重未到,我睇住厨房系咁出特脆猪仔包同其他o野,想叫经理跟o既时候,就见到个女人攞个长碟,我就觉得佢开始整,果然,终于系整呢个,真系有冇搅错?呢个比特脆猪扒饱更易整,更少工
唔入都入o左o黎,唔坐都坐低o左,唯有叫o野食啦.我叫o左个$22.00o既法兰西特长热狗,要冻奶茶.男友要$20.00o既特脆猪扒饱,饮热柠茶.
好快,我o既冻奶茶到o黎,有大半杯系冰,茶味好彩仍够.
等好耐,男友o既热柠茶至到,我留意到系原来系厨房储埋一次过出几杯,真系掂.
再得多阵,距离落单时间约7分钟,特脆猪扒饱到o黎,上碟时已切开一半,有生菜,酱瓜,但我见啲生菜边变o左红色,好心厨房唔好畀呢啲人啦.
我同男友一人一半,食落,猪扒冇乜味,包就真系好脆,味道就全靠沙律酱同酱瓜.
味道: 4分,其中1分系畀脆猪仔包同酱瓜.
同男友分开慢慢食,食完重要等好耐,我o既法兰西特长热狗重未到,我睇住厨房系咁出特脆猪仔包同其他o野,想叫经理跟o既时候,就见到个女人攞个长碟,我就觉得佢开始整,果然,终于系整呢个,真系有冇搅错?呢个比特脆猪扒饱更易整,更少工序,佢都要拖,原来厨房唔系顺order次序o黎整,佢钟意做边样就做边样,得o架喇.
呢个热狗同样有生菜,蕃薯片同酱瓜,有芥末同茄汁,就系咁.食落,包系暖暖地,咁当然唔系脆,法兰西肠冇味,又系靠啲酱汁味道,真系好一般.
味道: 3.5分.0.5分系男友话食到芝麻香而畀.
埋单收$70.00,咁贵o既?原来呢两个唔系餐,系散叫o既,真系好唔抵.讲真,如果我知道呢间所有o野食已经转晒系翠华o既,我唔会o黎啰,同样畀咁贵o既价钱,但呢o度迫夹啲同,又冇电视,点解要o黎呢间?睇o黎都系冇下次.
张贴