中村藤吉 (已結業)

总于系「中村藤吉」尖沙咀开店一段时间之后嚟到帮衬，心里期待已久，果然有惊喜，一句讲晒「好掂」。先嚟一个「腐皮抹茶乌冬定食」，真系好好食。抹茶乌冬爽口，汤底够热又清甜，大葱带出芳香，腐皮则系较甜𠮶种，整体上即所谓咸中带甜嘅配搭。另外饭也非常特别，有淡淡嘅甜味。定食还配上甜品「绿茶啫喱+红豆+丸子」，啫喱好有咬口，好浓嘅绿茶味，丸子也非常烟韧，红豆甜度可以。另外试了「京之精选」甜品：有两款茶味嘅蛋糕配搭，蛋糕松到软棉棉，口感一流，绿茶雪糕非常出色，平时食嘅绿茶雪糕通常奶味盖过绿茶味，但系「中村藤吉」嘅绿茶雪糕重点系绿茶味，非常浓郁，好得。