Mezze (已結業)

收工落雨，突发奇想中东系咪冇落雨，所以好想去试下中东菜，系咪真系会唔同啲，网上搜寻，发现系尖沙咀闹市中有间中东菜馆上到去坐喺窗边嘅餐台上，望向窗外街上滴滴细雨，心情宁静。 由于系新餐厅，所以未有好多人知道。环境都几优雅我哋Order咗佢哋嘅招牌菜: Hot & Cold Mezze，里边包含咗有羊肉鸡肉、中东特色菜鹰嘴豆饼以及中东薄饼，还有沙律，有六种不同嘅酱汁伴碟，店员同我哋讲，鹰嘴豆饼系中东好普遍嘅菜色，几乎每一间中东菜馆都有做，各有特色。呢个鹰嘴豆饼外黑内录，外皮脆内豆馅嫩滑，味道好特别好香脆，好好食。盘中唔同嘅食物搭配六种唔同嘅酱汁，一次过食足六种味道。 另外还点咗一个Aralian Lamb w/ okra Stew 系一个焗羊腿饭，里边有秋葵同埋好特别嘅香料，味道浓郁，与中菜嘅炆羊腩好接近，非常适合香港人嘅口味。 之前对中东菜冇咩认识，以为味道强烈，怕唔习惯，食过呢餐之后就有咗好大改观，相信好多香港人都会喜欢。值得推荐。