土耳其小城 (萬昌樓) (已結業)

经过偶然一试，发现到呢间抵食中东菜😛二人叫左以下菜式，非常之饱，$300唔洗💰⭐香酥茄子夹鸡系圆圆茄子包住鸡肉。有6旧都几大旧。热辣辣外脆内软唔多炸粉。茄子同鸡肉都非常入味而且唔过咸😛⭐草原串烧牛肉有8串分量几ok。睇佢表面汁酱都几深色但食落又唔算太咸㖞，惹味得黎肉又唔鞋。上面有点点芝麻增添香味。⭐土耳其薄饼应该系中东最出名嘅菜式。烤焗嘅薄饼就算系原味都非常好食。小小脆嘅边，烟韧嘅粉皮，带有少少面粉嘅奶油味，够香够滑。⭐咖喱克勒鸡肉炒饭，黄黄橙橙好抢眼。佢啲饭比较大粒，炒得粒粒分明又唔太油。中间有只蛋，旁边有蕃茄，令成个炒饭更加丰富。鸡肉溶入晒咖哩味，肉质亦都ok。如果想试下中东野，又近元朗嘅话，呢间真系几推荐。