鳴越越式料理

营业中

休息中

来到德辅道中，走进一条小楼梯到达今晚嘅越式餐厅 - 鸣越。店内环境意外地寛阔，座位空间大。天气咁热，朋友二话不说点个清凉醒胃嘅捞檬。呢个捞檬有齐正宗檬粉必备嘅花生碎、炸干葱和葱油等配料，唔好睇少呢啲配料呀，正正系佢地令成个檬粉食起来有多种层次。香煎猪扒、炸鸡翼微㶶，食落香口惹味，檬粉份量十足，加埋甜酸汁够晒醒胃。越式粉面之中最吸引我嘅唔系汤河，亦非捞檬，而系呢款以幼细米粉制成嘅滨海。一片片薄身网状米粉，看上精致，入口幼滑，以生菜包裹，配上猪颈肉，再蘸点越式甜酸汁，先够完美。配菜香茅猪颈肉每一片都充满油脂，口感爽脆，可惜猪颈肉溢出大量油份，令部份滨海变成油浸米粉。猪颈肉分开上就可以避免呢个问题啦。炸到金黄色的蔗虾，一啖咬落，虾肉十分弹牙爽口。食到中间渗出清甜蔗汁，好味呀。脆卜卜的虾片，上面放著松软的猪肉，加埋干葱和葱油， 松、脆、咸香一应俱全。记得趁热食，放耐咗啲虾片就淋晒架啦。