Don X Sushi Generation (已結業)

呢间位于中环嘅日式料理, 以浅色木纹同黑色作为餐厅主调, 有别于传统寿司店, 呢度嘅装修十分时尚。踏入门口, 视线马上被呢道充满动感嘅银色鱼群艺术墙吸引。餐厅地下以吧台为主, 经过旋转楼梯, 楼上则主要是2-4人台, 虽然楼底唔算高, 但加上灯光效果, 坐落又毫无压迫感㖞。今晚一行二人, 叫左两个set share 食。刺身x寿司定食 $200自选寿司18件 $360 餐厅每日有20几款寿司/刺身任你拣, 18件自选寿司套餐, 件件唔同都得㗎！我地就拣左9款, 每款两件。其中牡丹虾、象拔同中拖罗都系必点之选！ 牡丹虾肉质丰厚, 口感嫩滑细致。象拔蚌咬落爽甜有致, 鲜味非常突出。中拖罗肉质极为柔软, 加上油份充沛, 有入口即溶嘅效果。其他寿司、刺身都属高质。海胆颗粒饱满, 水分充足, 入口顺滑香浓。几款白身鱼, 鱼肉润泽透光, 十分鲜甜。套餐更附送沙律、前菜、甜品 & 味噌汤, 够晒丰富。