Goobne Chicken (M88) (已結業)

当日同朋友到中环lunch，然后佢推荐依间舖，起初以为系啲普普通通既韩国餐厅，用Openrice揾过餐厅背景，当中描述到烤鸡不经油炸，外层香脆，肉质嫩滑充满肉汁，而鸡的油份从烤焗过程中迫出来，有效做到低热量、低胆固醇、低钠、无反式脂肪，极力推行健康鸡肉新食法。于是想抱著中伏既心态去看待，但意想不到既系，烤鸡同炸酱面系如此美味，而且环境干净，侍应礼貌良好，整体用餐非常舒服。HH15+8韩式BBQ酱烟熏烤鸡＋蜜糖香滑烤鸡（$238 - 好食指数 4/5）鸡件肉质嫩滑。面上的酱汁质感稠身，甜感重，蒜香中等，味道不错。因酱汁味道颇为浓郁，多吃或会令味蕾麻木，餐厅细心地送上一小碟酸爽萝卜作小吃，令味蕾可时刻保持最佳状态迎接下。一口美食。炸酱炒年糕 （$138 - 好食指数 4/5）炸酱面非常好食，炸酱面入边嘅酱汁适中，同之前我喺韩国食嘅一间正宗炸酱面系还原到，但韩国𠮶边就系比较咸多啲，但系如果喺呢度食嘅炸酱面来讲，我觉得系可以媲美得上韩国𠮶边正宗口味嘅，所以我觉得如果系话想望梅止渴嘅话呢，呢间其实系真系可以满足到你嘅美食欲嘅。