五行 (已結業)

其实系中环返工每曰最有兴趣谂既就系中午食咩好，可惜有时作为一个上班族，都真系无咩自由。唔系曰曰食饭都可以抖到下气，有时食饭都几赶时间嫁，始终间间都咁多人，分分钟净系等位都等左一半时间，如果撞正果间食物质素差既，食完仲要赶返工，都几心疲力倦。而呢一间就系我赶时间但又想食好d既选择。餐厅身处于IFC, 大家对佢既第一印象一定系觉得贵唔抵食，同埋有排等，不过事实系呢间既性价比十分高。如果你赶时间又budget有限，呢间系我系IFC既唯一推介。首先等候时间一d都唔长，就算有一堆人等，但唔洗等几耐就有得入，加上呢度等位，点都比其他街舖等得舒服多多。 上菜时间都好快，一个钟系绝对够时间，慢慢地食呢个中午饭。今次我拣左呢个黑蒜油拉面，味道唔错嫁，汤底浓郁，材料丰富，唔只有叉烧同糖心蛋，仲有小食可以拣，我就拣左寿司，因为有我爱食既三文鱼同埋帆立贝。埋单约$150左右，食物有质素，环境舒服，系中环上班族衬中午时间叉叉电、抖一抖既选择。