影片
更多
2023-03-14
142 浏览
今晚去中环揾朋友开餐，餐厅就喺佢公司附近，地点非常方便，地铁站行过嚟只需要3分钟。餐厅灯光昏暗，装修有情调，座位阔落坐得舒适。如果想私隐度高啲，可以坐喺门口嘅二人位置。Menu选择唔少，如果样样都想试可以点tasting Menu，我哋想食呢度嘅Pizza所以就散叫。先食餐包，橄榄油好香。Starter有几款，侍应推介Culatello火腿，佢话系用咗猪臀部最嫩嘅肉，每只猪只有好少嘅部份可以做到呢一款火腿，比Parma ham更加好食。讲到咁正一于试吓，虽然系starter，但系份量都唔少，两个人食都觉得有啲多。呢个火腿肉质幼细，颜色系系玫瑰粉红色，味道芳香浓郁，咸香味道刚刚好，肉质软绵、脂肪分布均匀，好好食！侍应推介来自同一产地嘅红酒，一啖Culatello一啖红酒，非常搭配。主菜要咗牛柳，我哋prefer medium rare， 煮得稍为熟咗少少。牛柳保持鲜嫩嘅粉红色，口感软淋。伴碟嘅蔬菜烧香咗几好食，香滑嘅薯蓉我哋都食晒，一啲都冇浪费！Pizza亦系推介，饼底唔算超级薄，不过够香脆，芝士份量适中唔会太饱滞，我哋点嘅松露蘑菇pizza菇味香浓，清淡得来几好食。食完主菜当然要食甜品
餐厅灯光昏暗，装修有情调，座位阔落坐得舒适。如果想私隐度高啲，可以坐喺门口嘅二人位置。
Menu选择唔少，如果样样都想试可以点tasting Menu，我哋想食呢度嘅Pizza所以就散叫。
先食餐包，橄榄油好香。
Starter有几款，侍应推介Culatello火腿，佢话系用咗猪臀部最嫩嘅肉，每只猪只有好少嘅部份可以做到呢一款火腿，比Parma ham更加好食。讲到咁正一于试吓，虽然系starter，但系份量都唔少，两个人食都觉得有啲多。呢个火腿肉质幼细，颜色系系玫瑰粉红色，味道芳香浓郁，咸香味道刚刚好，肉质软绵、脂肪分布均匀，好好食！侍应推介来自同一产地嘅红酒，一啖Culatello一啖红酒，非常搭配。
主菜要咗牛柳，我哋prefer medium rare， 煮得稍为熟咗少少。牛柳保持鲜嫩嘅粉红色，口感软淋。伴碟嘅蔬菜烧香咗几好食，香滑嘅薯蓉我哋都食晒，一啲都冇浪费！
Pizza亦系推介，饼底唔算超级薄，不过够香脆，芝士份量适中唔会太饱滞，我哋点嘅松露蘑菇pizza菇味香浓，清淡得来几好食。
食完主菜当然要食甜品，我哋点咗开心果semifreddo，口感好似硬身嘅mousse，开心果味突出，旁边嘅开心果酱（ganache）都好食，又系成碟清晒👍🏻
顺带一提，呢度嘅酒有好多选择，wine list有好多唔同产地嘅酒，cocktail 都有啲特别嘅选择，我杯prosecco加桃清甜好饮，女仔一定钟意！
总括来讲呢间餐厅性价比唔错，服务亦都好好，侍应好熟悉餐牌，会详细介绍食物嘅来源、特色，下次有朋友聚餐我要再嚟呢度。
张贴
