影片
更多
2024-04-09
1216 浏览
𝐌𝐀𝐉𝐎 𝐓𝐚𝐩𝐚𝐬 𝐏𝐚𝐞𝐥𝐥𝐚 𝐁𝐚𝐫🐽位于中环Soho 区既西班牙菜主打地道Tapas + Paella + 雪利酒 + Cava + Sangria 等等最近新推出左以橡果喂饲伊比利亚黑毛猪为主既4人套餐重点系同寿星去食既话仲可齐齐切慢煮16小时原只乳猪当生日蛋糕 / 油炸鬼蛋糕 够晒有惊喜🥳✨IBERICO FIESTA 4 course sharing set($2200/4pp)西班牙伊比利亚黑毛猪共享盛宴 :+ 留意番要预早至少一日订餐+ 套餐包括三道前菜 + 乳猪 + 甜品Starter🐽 Jamón De Bellota西班牙火腿 - 橡果喂饲伊比利亚火腿配番茄蓉香脆面包系好似法包口感既面包上面铺上满满经人手切片火腿 加上番茄酱 以咸酸既味觉开始醒胃🐽Croqueta De Jamón 自家制伊比利亚火腿炸丸子每粒丸子炸得外皮香脆 同时铺有伊比利亚火腿系上面 而内馅香浓绵滑 又可以食到粒粒咸香火腿肉🐽Papada, Setas Y Yema西班牙伊比利亚风干猪颈肉 + 有机蛋黄 + 香菇个人好中意呢道小食!! 将风干猪颈肉连同蛋黄沾著享用 可以同时食到咸味同甜味既交
位于中环Soho 区既西班牙菜
主打地道Tapas + Paella + 雪利酒 + Cava + Sangria 等等
最近新推出左以橡果喂饲伊比利亚黑毛猪为主既4人套餐
重点系同寿星去食既话仲可齐齐切慢煮16小时原只乳猪当生日蛋糕 / 油炸鬼蛋糕 够晒有惊喜🥳
✨IBERICO FIESTA 4 course sharing set($2200/4pp)
西班牙伊比利亚黑毛猪共享盛宴 :
+ 留意番要预早至少一日订餐
+ 套餐包括三道前菜 + 乳猪 + 甜品
Starter
🐽 Jamón De Bellota
西班牙火腿 - 橡果喂饲伊比利亚火腿配番茄蓉香脆面包
系好似法包口感既面包上面铺上满满经人手切片火腿 加上番茄酱 以咸酸既味觉开始醒胃
🐽Croqueta De Jamón
自家制伊比利亚火腿炸丸子
每粒丸子炸得外皮香脆 同时铺有伊比利亚火腿系上面 而内馅香浓绵滑 又可以食到粒粒咸香火腿肉
🐽Papada, Setas Y Yema
西班牙伊比利亚风干猪颈肉 + 有机蛋黄 + 香菇
个人好中意呢道小食!!
将风干猪颈肉连同蛋黄沾著享用 可以同时食到咸味同甜味既交集 加埋椎茸菇独有香气 整个口腔都充斥住伊比利亚风干猪肉既余韵
Main
🐽Cochinillo
西班牙式烤全伊比利亚黑毛猪
当晚既重点之一 - 由行政总厨Salvador Benedicto 搬出慢煮16小时原只乳猪
烧完蜡烛打完卡后 就会用预先派发既切乳猪专用圆碟
即席教你切件 之所以要咁做系因为用盘碟代替刀切乳猪
（而不摔碟）系因为西班牙传统黎讲有消除厄运既意义
同朋友黎庆生既话 亦都有与别不同既体验!
由于乳猪系以低温慢煮去保持肉质嫩滑 再用慢火香焗至外皮金黄香脆 味道甘香 唔似中式会较为硬实
同埋油脂丰富香口 忍唔住一件接一件咁食
Side dish
🐽Confit Piquillo Peppers 油封辣椒
🐽Salad 新鲜沙律
🐽Agria Potato Fries 薯条
Pre-dessert
🐽Sorbete 青柠 青苹果雪葩 (V)
食完主食后就用青柠加青苹果味雪葩清清口腔
青柠味较为突出 连埋底下既饼碎一齐食 食落酸酸甜甜
非常清爽 岩晒用黎解腻 个人几中意呢个sorbet
Dessert
🐽西班牙油条焦糖慕丝蛋糕 ($400/5inch)
Churros 蛋糕都系第一次食 一条条咁围住蛋糕排好
卖相好可爱 蛋糕内部主要系用黑朱古力整成既慕丝
质地唔算好水状 但都好够幼滑香醇
可以好似平时咁用Churros 点黎食
🐽巴斯克焦香芝士蛋糕 ($300/5inch)
蛋糕系选用Idiazábal羊奶芝士制造 口感细滑
食落芝士奶香浓郁得黎带点微咸 且有微烘㶶既烟熏焦香 都唔怕有膻味
张贴
