壹檸壹鮮果茶

营业中

休息中

呢日天气咁热，行经中环街市见到有好多人试呢间茶饮店😍 见到佢嘅产品主打健康，主要系用水果整嘅，忍唔住嗌返一杯试吓🥳牛油果甘露呢杯饮品系健康又饱肚嘅选择，入面真系好足料，要用粗饮管先饮到佢嘅牛油果同埋芒果粒粒🥰 而且佢嘅奶底系用椰奶，整个配搭其实系好夹，即使冇嗌少甜，佢本来都唔系好甜😎 主要有水果嘅香甜味😙蜜桃冰茶呢个蜜桃冰茶都几特别，因为佢除咗有蜜桃嘅香甜之外，仲有手打柠檬茶底😮 啱晒天气炎热，一路行街一路饮呀。店员都好细心，有问我哋使唔使少甜，嗌咗少甜就更加健康啦🤩两款产品都各有特色，想冇咁饱肚嘅话蜜桃冰茶比较适合你🤓 下次行过中环街市都要再饮呢个较健康嘅手摇饮品🫢