影片
更多
2022-01-08
1685 浏览
中环创新破格台湾菜 超黑嘅牛肉面 创意芋泥乒乓球‼️香港人好耐都冇去过旅行，开始怀念台湾嘅美食🥲，但其实香港都有好多台湾菜馆。但有时都食闷咗而呢间餐厅就提供多款新派台菜，打破传统🤔。 Check in Taipei 位于中环扶手电梯下面，据说老板系加拿大人，可能就因为系外国人，所以先制造到台式fushion料理😅。 餐厅装修呈玩味风格，门口有大大盏霓虹灯写著「我爱台妹」😏，亦设有酒吧高枱。坡璃贴有鱿鱼游戏嘅logo，仲有鱿鱼游戏嘅专属菜单，好彩冇摆到木头人公仔喺门口😨。 黑蒜牛肉面$118 价钱算系偏贵，以正常台湾菜黎讲🤑。 汤头望落就真系超级黑，闻落超重蒜香同药材味，但撇除面头黑色嘅点点，佢本身都系清清地。饮落牛骨味浓郁，甜中带黑蒜甘香，食到系真材实料，风味浓厚😍。 牛腱肉只有3片，期望会有更多，质感非常软腍，炆得好耐，中间嘅筋位有少少溶化嘅感觉，肉味浓，食材的确唔错👍。 旁边有大量蒜蓉，喺黑色嘅汤底显出白色嘅点点，而佢一D都唔抢，反而非常之creamy，甘甘地嘅，令口气更臭😂。 百页豆腐食落一D都唔齌，Q弹爽口，唔似平时超市𠮶D。虫草花事先有炸过，脆脆地，又有少少油香，令我食上隐🤪
香港人好耐都冇去过旅行，开始怀念台湾嘅美食🥲，但其实香港都有好多台湾菜馆。但有时都食闷咗而呢间餐厅就提供多款新派台菜，打破传统🤔。
Check in Taipei 位于中环扶手电梯下面，据说老板系加拿大人，可能就因为系外国人，所以先制造到台式fushion料理😅。
餐厅装修呈玩味风格，门口有大大盏霓虹灯写著「我爱台妹」😏，亦设有酒吧高枱。坡璃贴有鱿鱼游戏嘅logo，仲有鱿鱼游戏嘅专属菜单，好彩冇摆到木头人公仔喺门口😨。
黑蒜牛肉面$118
黑蒜牛肉面
$118
124 浏览
1 赞好
0 留言
价钱算系偏贵，以正常台湾菜黎讲🤑。
汤头望落就真系超级黑，闻落超重蒜香同药材味，但撇除面头黑色嘅点点，佢本身都系清清地。饮落牛骨味浓郁，甜中带黑蒜甘香，食到系真材实料，风味浓厚😍。
牛腱肉只有3片，期望会有更多，质感非常软腍，炆得好耐，中间嘅筋位有少少溶化嘅感觉，肉味浓，食材的确唔错👍。
旁边有大量蒜蓉，喺黑色嘅汤底显出白色嘅点点，而佢一D都唔抢，反而非常之creamy，甘甘地嘅，令口气更臭😂。
百页豆腐食落一D都唔齌，Q弹爽口，唔似平时超市𠮶D。虫草花事先有炸过，脆脆地，又有少少油香，令我食上隐🤪。蛋就系五七成熟𠮶只，只有少少流心。
黑蒜牛肉面
35 浏览
0 赞好
0 留言
面条用上刀削面，夹落好滑，口感非常Q弹(Q弹x1)，烟韧，有少少似水晶粉，挂上黑色嘅点点，几特别嘅👍👍。
台式肉松榨菜蛋饼$68
台式肉松榨菜蛋饼
$68
43 浏览
0 赞好
0 留言
望落几colourful，而且超级长😂。蛋饼皮系薄𠮶只，食落有劾性，烟韧，唔错。中间用上鸭蛋，蛋黄嘅比例较少，但佢嘅表面平滑，偏向弹牙，但味道同鸡蛋相若😅。
台式肉松榨菜蛋饼
29 浏览
0 赞好
0 留言
榨菜比起咸菜冇咁powerful，质感有少少似橄榄。再配上大量嘅肉松，酱油膏同蛋黄酱。如果佢切得细D就可以一啖咬哂，D肉松就唔会飞走哂😂
咸蛋黄芋泥乒乓球$72
咸蛋黄芋泥乒乓球
$72
23 浏览
0 赞好
0 留言
佢个木盘真系一个乒乓球拍🏓，呢样野算系自家创作，但D紫薯粉同蛋黄酱都有少少多余😅。
外面系一层裹上面包屑嘅炸皮，但就炸得耐左，已经变到啡色，咬落有少少硬。有少少似酒楼嘅紫心香芋丸🤨。
第二层就系一个类似芋泥麻糬嘅物体，见到入面系起胶嘅，质感软糯Q弹，黏中带少少韧性，同想像中嘅芋泥texture有少少分别。味道冇想像中咁甜，但都有芋头香🧐。
咸蛋黄芋泥乒乓球
17 浏览
0 赞好
0 留言
中间就系纯咸蛋黄+咸蛋黄酱。咸蛋黄仲系暖暖地，质感就好似沙咁，顺滑而高胆固醇😅。咸蛋黄酱同咸蛋黄相若，但颜色较谈，好rich但有少少斋，冇乜甜/咸嘅调味🥲。
黑芝麻麻糬 (不在正餐牌中)
黑芝麻麻糬
33 浏览
0 赞好
0 留言
呢样野其实系18年台湾大热嘅淡水名物，当年喺ig洗版。要将牛奶加热再加入木薯粉煮至糊身起筋，再加入炼奶雪冻而成🥶。
餐厅就将麻糬同芝麻粉比你自己搞。麻糬一拉就连根拔起，放系度果阵就好似一个人懒到扒左喺张床度，变成一pat 野咁🤣。
黑芝麻麻糬
9 浏览
0 赞好
0 留言
麻糬入口冰冻，绵滑浆口，入口即化，比起正常麻糬，呢只更加软化(半液体固体状态)。味道方面，香滑奶浓，甜度适中🤩。麻糬会自然痴著D粉，有少少似糖不甩咁。配上幼细/无加糖嘅黑芝麻粉，香口甜美。建议餐厅可以有双拼粉嘅选择，始终味道较为单一，只碟可以再平啲大啲。
张贴
