施心畢老撾餐廳

营业中

休息中

放工约咗朋友去中环食饭，朋友极力推荐呢间食老挝野既楼上餐厅，我好少食老挝嘢就跟咗佢去试吓。本身好钟意饮鱼汤，所以拣左乡下鱼肉全米椰子汤粉，朋友就叫咗牛肉牛丸全米汤粉。大约等5分钟汤粉送到，大大碗，汤粉口感好滑，入面有好多鱼肉，难怪汤底咁好味，鱼味香浓加上椰子味既清甜，上面嘅配料同菜都非常出色，为汤粉添一份清新味道。朋友𠮶碗牛肉牛丸全米汤粉分量一样系咁大碗，好多块厚厚嘅牛肉喺面，汤底酸酸地格外开胃。最后加咗份小食鸡翼酿糯米，鸡翼炸得脆卜卜，入面养咗啲糯米好好味，本身糯米系会好滞，配上青柠汁就刚刚好。