炊豕店 (威靈頓街) (已結業)

今日来中环行大馆，肚饿要医肚，就喺大馆附近揾嘢吃。于是就来到呢间位于威灵顿街148号地下几有特色嘅炊豕店。入到去，见到有10多张小枱，啲摆设好有旧时屋企的感觉，劲有亲切感餐单就系一单张，一边中文版本，另一边就系英文版本，方便中西客人。约10样饭，面选择，可加添配料，也可拣小饭减一蚊，环保，抵赞。除此之外，仲有啲平，靓，正小食可选。小食酥炸凤尾虾首先出场，表皮劲香脆，但略嫌粉桨多咗少少，但都ok嘅。跟住秘制猪扒饭(肉燥汁)出场，首先劲大旧猪扒，舖满碗面，一啖咬落，哗，香喷喷，脆卜卜，吃到我哋舔舔脷，我同朋友一致赞好而20蚊的辣味海蜇，比想像中份量多，够爽，够惹味。话梅花雕猪手饭我哋免费转咗粗面，猪手够腍带微微花雕味，亦好好味。