影片
更多
2021-09-17
437 浏览
到访小店当日系星期日既黄昏，两个女仔喺附近行到攰发现左呢间小店，就冲左入去喇。Umami factory，顾名思义店内嘅装横同埋外观都系以工业风为主，设计简洁舒适，虽然系小店，座位唔多，但门口及店内亦有大窗户，所以空间感都好足够。服务方面店员亦都好细心，会安排上菜时间，会定时定候会睇吓食客有咩需要，加分！✧ Abalone and Tofu w/ Kimchi dressing $98 🌟🌟🌟🌟/ 5店主采用新鲜鲍鱼，口感香韧，下面𠮶层日式扬出豆腐炸得好出色，外酥内嫩，名副其实嘅皮薄馅靓🤣，配埋自家制嘅泡菜酱汁，成个配撘意想不到的match。✧ beef tataki w/ Ponzu sauce $168 🌟🌟🌟 / 5第二道都系前菜，有别于平时嘅beef tataki，佢嘅厚薄程度似意式既beef carpaccio，肉质方面鲜嫩柔软，配上日式柚子醋，味道清新，但就冇太大的惊喜，个人都系比较钟意食厚身d既beef tataki 。✧ Spanish blue mussels in cream sauce $128 🌟🌟🌟🌟/5本人系一个青口控，超级无敌钟意食青口，不过对出面餐厅嘅青
两个女仔喺附近行到攰发现左呢间小店，就冲左入去喇。
Umami factory，顾名思义店内嘅装横同埋外观都系以工业风为主，设计简洁舒适，虽然系小店，座位唔多，但门口及店内亦有大窗户，所以空间感都好足够。
服务方面店员亦都好细心，会安排上菜时间，会定时定候会睇吓食客有咩需要，加分！
✧ Abalone and Tofu w/ Kimchi dressing $98 🌟🌟🌟🌟/ 5
店主采用新鲜鲍鱼，口感香韧，下面𠮶层日式扬出豆腐炸得好出色，外酥内嫩，名副其实嘅皮薄馅靓🤣，配埋自家制嘅泡菜酱汁，成个配撘意想不到的match。
✧ beef tataki w/ Ponzu sauce $168 🌟🌟🌟 / 5
第二道都系前菜，有别于平时嘅beef tataki，佢嘅厚薄程度似意式既beef carpaccio，肉质方面鲜嫩柔软，配上日式柚子醋，味道清新，但就冇太大的惊喜，个人都系比较钟意食厚身d既beef tataki 。
✧ Spanish blue mussels in cream sauce $128 🌟🌟🌟🌟/5
本人系一个青口控，超级无敌钟意食青口，不过对出面餐厅嘅青口质素有啲保留，好多时都失望而回，今次都冇乜特别嘅期望。唔知系咪因为咁，反而有惊喜，冇谂过西班牙嘅蓝青口都咁柔嫩鲜甜，cream sauce 又唔会太浓，唔会盖过青口本身嘅鲜味。真系冇嘢可以挑剔，唯一嘅缺点就系份量，唔够食啊！haha
✧ Crab meat squid ink spaghetti w/ sea urchin & lobster sauce $178 🌟🌟🌟🌟/ 5
每条意粉都用墨汁搓成，似是先炒香蟹肉同埋意粉，然后再加上龙虾汁同埋海胆，口感弹牙。蟹肉份量多，龙虾汁唔会太浓，海胆亦新鲜，提升左成个意粉既鲜味，绝对值得一试！
食物质素： 🌟🌟🌟🌟/ 5
服务态度：🌟🌟🌟🌟/ 5
环境：🌟🌟🌟/ 5
张贴
